Björg Árnadóttir

28.8.2007 | 09:57

Ellin, fordómar og ég

Það vita allir að sjúkdómar eins og t.d. hátt kólesteról og hár blóðþrýstingur er bara fyrir gamalt fólk. Það er öllum ljóst. Hvernig stendur þá á því að ég sem er nýorðin 27 ára (fædd 1965) fæ þann úrskurð frá doktornum að ég sé með háþrýsting?? Ég, svona ung, spengileg og flott!!

Svo bætti hann um betur (held að læknirinn sé nýorðinn 3ja!) og sagði mér að hreyfa mig, borða hollan saltlítinn mat og drekka mikið af vatni. Svo nú er bara að taka á honum stóra sínum og breyta daglegri hegðun og kippa þessu í lag.

Þetta með ræktina og mataræðið verður ekkert mál. En ég gæti þurft að taka til í kollinum á sjálfri mér með þetta hverjir fá og hverjir ekki hina ýmsu sjúkdóma!

Flokkur: Bloggar | Facebook

Athugasemdir

hmmmm,,, og ég sem á að mæta hjá lækni núna eftir 40 mín. shitturinn,,,, ég sem ætlaði að vera búin að breyta um lífstíl

Margrét Össurardóttir (IP-tala skráð) 28.8.2007 kl. 10:19

Þú gerir það bara þegar þú kemur aftur! :)

Björg Árnadóttir, 28.8.2007 kl. 16:30

Ég er líka af ´65 árgangnum og skil þig vel. Svona kvillar eru leið líkamans til að segja manni að þótt maður sé bara 27 þá verður maður að fara að hugsa aðeins betur um líkamann--og ekki má nú gleyma huganum, því allt er þetta jú samtengt.