Sjálfhverfa Reykvíkinga

Í gær las ég á mbl.is að Reykvíkingar ættu voða erfitt af því þeir væru allt að 30 mínútur á leið til vinnu og hraðinn í gærmorgun hefði farið allt niður í 30 km.  á klst.  Einmitt. Ekki gott, en hvað með alla hina íbúa höfuðborgarsvæðisins sem eru töluvert lengur á leið í vinnuna og yrðu bara nokkuð kátir með að komast á 30 km. hraða??

Síðan skólar byrjuðu í haust hefur tekið nálægt klukkutíma að komast frá Hafnarfirði til miðbæjar Reykjavíkur. Ég er búin að prófa allar tímasetningar frá 8 – 9, það skiptir engu máli hvenær innan þess klukkutíma maður er á ferðinni. Það tekur 40-50 mínútur að fara frá Lækjargötu/Setbergi í miðbæ Reykjavíkur.

Síðustu tvo daga hef ég líka litið alsæl á hraðamælinn þegar umferðin var loksins farin að ganga nokkuð smurt; Og séð að ég hef verið á alveg ofurhraða: 25!

Reykvíkingar eru þess vegna bara í nokkuð góðum málum miðað við marga aðra í kringum þá. Eins og svo oft áður.

Athugasemdir

[Margrét Össurardóttir (IP-tala skráð) 5.9.2007 kl. 10:48]

hahahhahahhaa,,,,,,, æi ég er svo fegin að vera ekki á ferðinni á þessum tíma núna. Bara heima að dúlla mér, jafnvel hrjóta líka , svona þegar ég nenni ekki að fara með stelpurnar á leikskólann eins og í dag.

[Björg Árnadóttir, 5.9.2007 kl. 11:29]

Jæja... bara verið að nudda salti í sárin á okkur hinum, vinnandi fólki!!

[Björg Árnadóttir, 5.9.2007 kl. 20:56]

hehehehe... góður Guðmundur!! Ég gæti náttúrulega alveg farið af stað að heiman fyrir 7:30 Þá næ ég í vinnu fyrir 8 og fyrir alla umferð. Það er á planinu í næstu viku

[Sigurlaug B. Gröndal, 5.9.2007 kl. 22:14]

Þetta er nefninlega alveg magnað. Ég er 25 mínútur að keyra frá Þorlákshöfn niður á Geitháls eða Rauðavatn og 15-20 mínútur að keyra þaðan og niður í Skeifu sem er bein leið niður Ártúnsbrekkuna og áfram!!!!!