Björg Árnadóttir

11.12.2007 | 08:41

Hænan og eggið...

Ég heyrði viðtal við einhvern fræðing í síðdegisútvarpinu í gær. Þessi kona hafði komist að því í rannsóknum sínum að þar sem fráskildir foreldrar hefðu sameiginlega forsjá barna sinna, þar væru samskipti friðsamlegri og eðlilegri en þegar ekki væri um sameiginlega forsjá að ræða. Hmmmmm.......

Er ekki málið að fólk sem getur átt friðsamleg og eðlileg samskipti sé líklegra til að hafa sameiginlega forsjá en hinir? Það held ég.

Þar fyrir utan finnst mér að það eigi að taka foreldra sem tala illa um hitt foreldri barna sinna þannig að þau heyri til, og rasskella þá opinberlega! Að því loknu ætti að senda þá á námskeið í almennri kurteisi, mannlegum samskiptum og uppeldi. Að eitt foreldri baknagi annað í eyru barna sinna finnst mér ófyrirgefanlegt.

Reyndar á enginn að baknaga annan en það er svo annað mál.

Flokkur: Bloggar | Facebook

Athugasemdir

Alveg hjartanlega sammála. Það vill oft fara þannig að börnin verða bitbein milli foreldra vegna óuppgerðra mála og þau klemmast á milli oft í hartrömmum deilum. Illt um tal í eyra barna um hitt foreldrið á ekki að líðast. Foreldrar verða að halda sínum ágreiningsmálum utan barnanna eftir fremsta megni. Börnin elska báða foreldra sína og munu eiga samskipti við þau ævilangt. Að annað foreldri sverti hitt í áheyrn barna sinna er hreinlega glæpur og ber vott um þroskaleysi.

Sigurlaug B. Gröndal, 11.12.2007 kl. 09:23

Algjörlega sammála!! En spáið hvað er rosalega mikið um bæði það að foreldrar tala ílla um sinn fyrrverandi maka fyrir framan börnin og þeð sem verra er noti börnin til að niðra hvort annað eða bera skilaboð á milli....

erla ösp (IP-tala skráð) 11.12.2007 kl. 20:59