Sumarfríið búið!

Nú er ég búin með sumarfríið mitt. Ég sá að sumir voru eitthvað að efast um að ég væri alveg með öllum mjalla að fara í sumarfrí á þessum tíma. Málið er að ef maður á kall sem velur sér vinnu sem byggist á því að vinna á sumrin, þá verður maður að aðlaga sig og taka sér sumarfrí á veturna! Við tókum okkur reyndar viku túr um landið í sumar en vika er alveg hámarks slæpingur að sumarlagi í þessum bransa. Svo nú var farið í sumarfrí

 

Í bústaðnum gerði ég það sem ég nenni alls ekki að gera á sólarströndum…. Ég lá og gerði ekki neitt. Alls ekki neitt! Við kíktum stundum út í stutta göngutúra en lágum annars í sófanum og horfðum á sjónvarp, gerðum krossgátur og ég prónaði. Svo var auðvitað kíkt í pottinn og eldaður góður matur. Þetta var bara dásamlegt!

 

Nú erum við komin aftur endurnærð og til í allt.

 

Næst á dagskrá er að fara í Bónus og kaupa bollugerðarefni…..  

Athugasemdir

[Bylgja Valtýsdóttir (IP-tala skráð) 2.2.2008 kl. 15:19]

Velkomin heim Hvað ertu að prjóna?

Kv

Bylgja fyrrum prjónakona og áhugakona um hannyrðir og aðrar kvenlegar dygðir

[Bylgja (IP-tala skráð) 2.2.2008 kl. 15:55]

Gleymdi að segja að MIG langar ROSALEGA í bollur

[Bylgja (IP-tala skráð) 2.2.2008 kl. 16:33]

Er orðið svo langt síðan ég skrifaði hér seinast ´(rúmur hálftími) að ég ákvað að bæta einu til viðbótar...finnst þér ég vera "obsessed" af þér?

PS. Ertu byrjuð að baka?

PSS. Gerirðu vatnsdeigsbollur? 

[Björg Árnadóttir, 2.2.2008 kl. 16:44]

hehehehe, Bylgja.... alltaf gaman að vera vinsæl!!

Ég er að prjóna ungbarnateppi, svona af því að ég er að verða stjúp-amma. Er að spá í að gera líka einhverja ungbarnaflík.

Er að byrja baksturinn og það eina sem hefur nokkurn tilgang að bera á borð í þessu húsi eru vatnsdeigsbollur!

Með þetta í huga setti ég inn hávísindalega könnun hér til hliðar...... 

[Guðmundur Guðmundsson, 2.2.2008 kl. 16:46]

Dugleg!

Mín kona (og ég auðvitað ekki heldur) nennti ekki að baka bollur, keyptum bara tilbúnar, mun minna vesen

[Einar Bragi Bragason., 3.2.2008 kl. 02:05]

BJÖRG ER KOMIN HEIM