Björg Árnadóttir

23.3.2008 | 10:46

Fjallganga og pestir um páska.

Á föstudaginn langa gekk ég með litlum hópi fólks á Helgafell ofan við Hafnarfjörð. Það er ekki mikil fjallganga og hentar öllum. Fín ganga til að vekja kroppinn af vetrardvalanum. Við fengum frábært veður og nutum okkar í botn!

Þegar á toppinn var komið fengum við okkur að sjálfsögðu nesti eins og allir alvöru fjallgarpar! Smile

Helga var skiljanlega hreykin þegar hún komst á toppinn í sinni fyrstu formlegu alvöru fjallgöngu! Grin

Í gær varð frumburðurinn veikur. Í nótt gerði svo litla barnið (18 ára) vart við sig og vildi aðstoð við að finna hitamæli og verkjalyf. Þá varð ég vör við að karlinn var líka orðinn veikur. Staðan er þannig núna, að morgni páskadags, að dóttirin og bóndinn eru bæði með 40 stiga hita en ég er ekki komin með nýjustu stöðu á frumburðinn. Ég sit s.s. hérna ein heil heilsu á páskadagsmorgni í þessu pestarbæli sem heimilið er í dag. Best að halda sig fjarri öllu fólki meðan þetta gengur yfir. Ætli ég borði ekki bara páskaegg á meðan!

Einhvern vegin í ósköpunum lentu öll þessi páskaegg inni á okkar heimili. Ekki NEMA 10 stk. ætluð fyrir 6 fullorðnar manneskjur. Það verður líklega ekki nein megrun svona rétt yfir páskana frekar en venjulega. Cool

Flokkur: Bloggar | Breytt s.d. kl. 11:03 | Facebook

Athugasemdir

Sæl og gleðilega páska.

Leitt að heyra um pestina hjá þér, en hefur fjölgað á heimilinu?

Hér er allt við það sama. Var reyndar að lesa að nú væri rétti tíminn til að klippa tré og hreinsa garðinn, sá sem það skrifaði hefur gleymt því að það eru garðar annars staðar en í Reykjavík, í mínum garði er allavega ca 50-60 sm djúpur snjór í kringum tré og runna.

Bestu kveðjur til sjúklinganna og verði þér páskaeggin að góðu, hér var keypt eitt lítið handa einkabarninu og eitt stórt fyrir okkur hin.

Kristín

Kristín (IP-tala skráð) 23.3.2008 kl. 11:34

Það er aldeilis, s.s. ert gegnsyrð pestum í kringum þig dúlla, gleðilega páska til þín samt og farðu varlega í páskaeggjaátinu samt, ekki gott að fá skitu v/þeirra.

Margrét Össurardóttir (IP-tala skráð) 23.3.2008 kl. 11:38