Hver ræður?

Ég er svolítið bit einmitt núna. Heyrði í útvarpinu í dag bút úr viðtali við annað hvort viðskipta- eða fjármálaráðherra. Er ekki alveg viss hvort en held samt að það hafi verið viðskiptaráðherra. Hann sagði eitthvað á þessa leið:

"Næstu daga verður mikil vinna að endurskoða fjárlög ríkisins til þess að þau endurspegli verðbólgumarkmið Seðlabanka."

Er það ekki ríkisstjórnin sem á að setja stefnuna í efnahagsmálum og Seðlabankinn að styðja hana? Er það virkilega orðið eðlilegt og viðurkennt að Seðlabankastjórn sé yfir Ríkissjórnina sett? Þarf alþýðan að finna út einhverja aðferð til að stjórna ráðningum Seðlabankastjóra ef þau vilja hafa áhrif á stjórn landsins. Því ef þetta er rétt að ríkið þurfi að laga sig að markmiðum seðlabankans þá skiptir engu máli hvað við kjósum því það eru karlarnir í brúnni á Seðlabankanum sem ráða!

Fjandinn fjarri mér ef ég er sátt við það!!

Athugasemdir

[Margrét Össurardóttir (IP-tala skráð) 1.10.2008 kl. 16:28]

Sagði einhver að Dabbi væri hættur að stjórna?

hurru, koddu á facebook, skráðu þig inn,,, þarna er haugur af gömlum skólafélögum sem gaman er að hitta.

[Björg Árnadóttir, 1.10.2008 kl. 22:12]

Komin á Facebook. Er bara eitthvað tregari en hinir í skráningum!  Hvaða árgangur erum við eiginlega?? Er verið að tala um árið sem maður útskrifast úr Garðaskóla, Flataskóla eða FB? Eða kannski árið sem maður fæddist? Ég prófaði ýmsar útgáfur og reyndi svo líka að leita að öllum þessum skólafélögum sem ég var búin að heyra um.....Nada!!

Ég þarf að finna einhvern facebook-útskrifaðan til að bjarga mér!

[Guðmundur Guðmundsson, 1.10.2008 kl. 22:32]

Sástu ekki myndina?

Davíð við stýrið, GeirHarður við hlið hans (stundum kallað dauðasætið) og Mattísen í aftursætinu.  Þarf frekar vitnanna við?

[Mummi Guð, 2.10.2008 kl. 21:45]

Nákvæmlega. Myndin er mjög lýsandi um stjórnvöld í dag. Gott ef Björgvin og Össur hafi ekki verið í skottinu!