Björg Árnadóttir

21.10.2008 | 19:37

Á að bíta höfuðið af skömminni?

Mér þætti það lágkúra af verstu sort ef við létum það yfir okkur ganga að Bretar kæmu hingað í desember með herþoturnar sínar til að "verja okkur". Eigum við ekki að halda örlítilli sjálfsvirðingu?

Ég heyrði Geir segja í sjónvarpinu fyrir nokkrum dögum að þessi "heimsókn" þeirra væri löngu ákveðin og væri á vegum Nató og bla, bla, bla, bla. Mér er sko hundaskíts sama á hverra vegum þeir koma! Þeir koma bara ekki!!

Ég er ekki alveg nógu forfrömuð í kristninni til að bjóða Bretum hinn vangann, enda finnst mér þeir hreint ekki eiga hann skilinn. Eina leiðin til að fá mig til að hugsa um að skipta um skoðun á þessu máli, væri ef þeir (Gordon og Elskan) bæðust báðir tveir, hátt og skýrt, afsökunar á framferði sínu og byðu bætur fyrir. Þá myndi ég hugsa málið. Annars geta þeir og þoturnar þeirra átt sig!

Flokkur: Bloggar | Facebook

Athugasemdir

Þar hittirðu naglann á höfuðið. Við höfum greinilega ekki snefil af sjálfsvirðingu. Við látum taka okkur í "rrrrrrrrrr---ið" án þess að blaka okkur yfir því. Mér finnst að hætta eigi umsvifalaust við að leyfa þessum tjöllum að koma hingað á vegum Nato. Voru það ekki einmitt þeir hjá Nato sem gerðu athugasemd við þá ákvörðun Breta að setja yfir okkur svokölluð hryðjuverkalög! Þeir eru búnir að eyðileggja svo mikið fyrir þjóðinni að í mínum huga eiga þeir ekki viðreisnar von. Þeir geta æft sig annarsstaðar! Þó að ég sé nú kristin þá nær minn kristilegi kærleikur ekki yfir svona framkomu. Bara sorry! Ég held að hinn almenni borgari ætti nú að rísa á fætur og mótmæla þessum andskota. Annað líka sem við verðum að sjá til þess að verði framkvæmt, sé einhver sómatilfinning eftir hjá ráðamönnum þjóðarinnar og það er að blása út af borðinu hið margumdeilda eftirlaunafrumvarp. Þeir eiga að sjá sóma sinn í því að draga það til baka. Ef það verður ekki gert, þá er ekki mikið að marka þau orð ríkisstjórnarinnar að nú verði allir að standa saman og taka höndum saman í kreppunni sem nú ríkir og bla, bla, bla. hver tekur mark á svona? Látum á reyna hvað verður! Knús og kveðjur til þín mín kæra.