Helgin

Búin að fá mig pakksadda af ógeðisfréttum og umræðum um þær svo ég ætla að taka saman helgina:

Við systurnar keyptum í vikunni 1/2 nautsskrokk af mömmu og pabba. Þegar við vorum að ganga frá kjötinu urðum við sammála um að það væri alveg tilvalið að prófa kjötið sem allra fyrst og ákváðum að grilla það saman á laugardagskvöldið. Frábær hugmynd! Smile

Siggi og Hrönn voru að vinna á laugardag. Þegar Hrönn kom heim dressaði hún sig upp í grímubúning  Bandit til að fara í Halloween partý til Hönnu og Mortens þar sem hún gisti svo á eftir. Við Siggi og Árni Þór fórum hins vegar hérna yfir götuna í grill og fleira góðgæti hjá Hildi og Sigga.

Siggi hennar Hildar sá um eldamennskuna að mestu leiti. Við komum með eitthvað af kjötinu og ég útbjó fyllta sveppi og svo lögðum við reynar með okkur líka smá borðvín sem við reyndar komumst aldrei til að drekka.  Með kjötinu voru fyrrnefndir sveppir, ferskt salat, fetaostur, tvær teg af kartöflum, ólífubrauð og eitthvað fleira sem ég man ekki eftir. Þegar við vorum búin að melta þetta smá stund var svo borið fram créme brulé. Ferlega gott!

Fyrir utan allan matinn sem við átum þá sátum við og spjölluðum og hlógum allt kvöldið þangað til um miðnætti þegar allir voru búnir að fá nóg. Rosalega mátulegt og skemmtilegt. Halo

Á sunnudeginum var ákveðið að baka pönnukökur. Hrönn kom heim og Hanna og Heiða komu stuttu seinna með Tristan. Þær voru nú ekkert ofursprækar eftir skemmtunina kvöldið á undan. Reyndar voru Hanna og Hrönn vara þreyttar en Heiða var.... ja, hún svaf mjög vært í sófanum eftir pönnsurnar! Wink  Hildur og Siggi röltu líka yfir með stelpurnar og fengu sér pönnsur.

Tristan stækkar og stækkar og heldur áfram að vera myndarlegur. Ungbarnabílstóllinn sem á að duga þar til börn eru ca. 6 mánaða er að verða of lítill þó guttinn sé rétt tæpra 4 mánaða. Ég steingleymdi að taka mynd af honum en set inn mynd næst þegar ég fæ góða.

Helgin var s.s. bara ljómandi notaleg með vinum og fjölskyldu. Vona að þannig hafi verið hjá fleirum.


« Síðasta færsla | Næsta færsla »

Athugasemdir

1 Smámynd: Mummi Guð

Það er gott að geta notið sín af, af og til á þessum síðustu og verstu. Ég er aftur á móti kominn í vígahug.

Mummi Guð, 5.11.2008 kl. 21:38

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband