Getuleysi

Hvað er eiginlega að gerast hjá embætti saksóknara? Hvernig stendur á því að vikum og mánuðum saman er málum sem þeir ganga frá til héraðsdóms hent út? Er til of mikils ætlast að embættið viti hvernig lögin virka og þekki skilgreiningar hugtaka í lögum?

Skv. þessari frétt er ástæða sýknudóms sú að kæran sem lögð er fram passar ekki við lagalega skilgreiningu á ofbeld. Hvernig í ósköpunum gat saksóknari ekki vitað að kærur og kæruefni þurfa að passa við glæpinn? Af hverju var kæran ekki orðuð öðruvísi eða a.m.k. lögð fram varakrafa fyrir dómi? Hafa þeir ekkert lært í vandvirkni t.a.m. af Baugsmálum?

Nú er ofbeldismaður laus úr fangelsi þrátt fyrir að héraðsdómur viðurkenni að hann hafi nauðgað stúlkunni. Það sem meira er, ætli ríkið verði ekki að greiða honum skaðabætur fyrir að hafa setið "saklaus" í gæsluvarðhaldi þennan tíma?

Jæja..... ætli hann hefði ekki verið látinn laus þó hann hefði verið dæmdur sekur. Hann er búinn að sitja í gæsluvarðhaldi í rúma 3 mánuði. Dómar fyrir svona afbrot hafa ekki verið mikið merkilegri en það. En maður er samt reiður og hissa....

Sýknaður af ákæru fyrir nauðgun

Athugasemdir

[Fransman (IP-tala skráð) 6.7.2007 kl. 11:05]

Saksóknari getur ekki orðað ákæruatriðin öðruvísi en ákærandi lýsir þeim, þ.e. hann getur ekki tekið það upp hjá sjálfum sér að lýsa samskiptunum sem ofbeldisfullum.

Stelpan segir að ekkert ofbeldi hafi verið notað og að kynmökin hafi ekki staðið lengur en hún gaf til kynna að hún vildi. 

Hvert er vandamálið ?

[Birta (IP-tala skráð) 6.7.2007 kl. 12:09]

Í fréttum í gær var sagt að hún hafi verið með áverka í leggöngum og að það blæddi úr henni. Mér hefur sjálfri verið nauðgað og þegar það gerist brást ég nákvæmlega eins við og stúlkugreyið. Var í algjöru losti og gat ekki komið upp orði.

Ég spyr: Síðan hvenær varð nauðgun eitthvað annað en ofbeldi??