Góð útilega

Nú styttist í hina alræmdu verslunarmannahelgi. Ég heyrði í morgunútvarpinu á Rás 2 í morgun talað við forvarnarfulltrúa hjá einhverju tryggingafélagi um viðbrögð foreldra gagnvart unglingunum sínum um þessa helgi. Þá rifjaðist upp hjá mér nokkura ára snilldar útilega.

Þannig var að við fjölskyldan fórum í útilegu. Þegar við vorum búin að koma okkur fyrir í Kjarnaskógi kom okkur á óvart að rekast á tvær unglingsdætur Sigga (mannsins míns). Þær voru búnar að koma sér fyrir annars staðar á svæðinu með vinkonum sínum sér í tjaldi. Mamma þeirra var enn annars staðar á svæðinu. Þessi helgi var alveg snilld! Stelpurnar voru svo sælar og ánægðar með að fá að vera "einar" að þeim fannst allt frábært! Hins vegar er ég viss um að þær eyddu miklu meiri tíma með foreldrum sínum en ef þær hefðu verið í tjaldi með þeim. Þær voru í stöðugum heimsóknum til okkar: "Viljiði koma í göngutúr?", "Viljiði koma inná Akureyri?", "Getum við fengið kakó og brauð með osti?"

Þess vegna er ég handviss um að það er fín lausn komandi helgi að foreldrar og unglingar fari á sama staðinn í útilegu en foreldrarnir gefi unglingunum hæfilegt svigrúm (hið landsfræga tilfinningalega svigrúm!). Unglingarnir fá smá tilfinningu fyrir sjálfstæði og foreldrarnir losna við fýluköst af því það "fá allir aðrir að fara einir". Mæli eindregið með þessari lausn.

Athugasemdir

[Wilhelm Emilsson, 24.7.2007 kl. 20:50]

Fynding saga og skynsamleg lausn. Það má líka útfæra þetta á samskipti kynjanna. 

[Margrét Össurardóttir (IP-tala skráð) 25.7.2007 kl. 18:12]

Brilliant !!!!! Eins og Vala Matt segir alltaf

[Erla Ösp (IP-tala skráð) 29.7.2007 kl. 13:13]

hehehe,  snilldarlausn!  maður verður að skrifa þetta í "viskupunktabókina" og geyma hana þar til mín eru orðnir unglingar :)