Smá yfirlit

Mikið að gerast og lítill tími en enn minni nenna hjá minni.

Var með aðventu-piparkökuskreytinga-fjölskyldusamkomu á sunnudag. Kom fullt af fólki og skreytti piparkökur, spjallaði og fékk sér gott í gogginn. Gaman að það hittist svo vel á að Pétur tengdapabbi var í bænum og hann og Solla komu líka. Mjög vel heppnað finnst mér.

Búin að skreyta húsið að utan. Ferlega glæsilegt finnst mér  Er ekkert að skafa utan af því. Ég nenni hins vegar ekki út núna til að taka mynd af því og setja hingað inn. Hún kemur kannski einhvern næstu daga.

Ég er komin í vinnu. Eftir að hafa sparað við mig jólaundirbúninginn í nóvember af því ég hefði svo góðan tíma framundan er staðan orðin þannig að líkast til verður maður sofandi á jólunum ef einhver tími fæst til að versla í matinn!   En þetta er bara fínt!  Ég er semsagt komin á gamla staðinn í tímabundið verkefni sem verður brjáluð vinna í ca. 2 mánuði og síðan rólegt næstu 2 þar á eftir. Veit ekki hvað verður eftir það, kemur bara í ljós.

Ég verð s.s. ekki mikið heima hjá mér á næstunni og enn minna í bloggfæri. Þannig að það er ekkert víst að það verði mikið um bloggfærslur næstu daga eða vikur.

Athugasemdir

[Margrét Össurardóttir (IP-tala skráð) 4.12.2008 kl. 22:05]

uhhhh,,, rykið fer ekkert, bíður bara þar til maður hefur tíma. gott að þú fékkst vinnu. knús á þig.