Já eða nei?

Ég er búin að lesa í blöðunum undanfarið frásagnir af tveimur dómum vegna kynferðisbrota. Í öðrum dómnum var ákærði sýknaður en í hinum dæmdur. Skv. því sem kemur fram í fréttum sagði hvorug konan nei og reyndar ekki heldur já.

Þetta leiðir mig til umhugsunar um það sem ég hef verið að segja við börnin mín undanfarin ár; „Ef þið ætlið að stunda kynlíf þá verðið þið að vera nógu ákveðin til að segja já eða nei eftir því sem þið viljið sjálf“. Þegar strákurinn á í hlut hefur það verið eitthvað í áttina við; „Ef hún segir ekki skýrt og greinilega „Já, takk“, haltu þig þá í góðri fjarlægð!“

Sú gamla mýta að konur vilji ekki að fyrra bragði stunda kynlíf viðheldur þeirri hegðan að karlar þurfi að „koma henni til“. Það getur verið stórhættulegt fyrir unga menn. Getur konan ekki séð eftir öllu saman og sagt „ég fraus“?

Það er hins vegar vel þekkt að þegar árás á sér stað að fórnarlambið frjósi og bíði hreinlega eftir að viðbjóðurinn gangi yfir.

Þess vegna segi ég við alla sem heyra vilja: Ef þú eða félagi þinn er ekki nógu öruggur með sig og kynferðislegar tilfinningar sínar til að geta sagt upphátt  „já ég vil“ þá á undir engum kringumstæðum að halda lengra.

Athugasemdir

[Fransman (IP-tala skráð) 11.7.2007 kl. 10:36]

Fólk virkar ekki þannig að það tjái sig oftast með orðum um hvað það vill í kynlífinu.

Ég er hræddur um að strákurinn þinn eigi eftir að lenda í samskiptavandræðum þegar hann fer að biðja um hrein svör "já eða nei, villtu ríða ?" 

[Björg (IP-tala skráð) 12.7.2007 kl. 09:02]

So?? Hann lendir þá ekki í steininum á meðan!